Project Description
དེ་ཡང་མདོ་ཁམས་ཆུ་བཞི་སྒང་དྲུག་བོད་ཀྱི་བསྟན་སྲུང་དང་བླངས་དམག་གི་ལོ་རྒྱུས་ འཆད་པ་ལ་མདོ་ཁམས་ཆུ་བཞི་སྒང་དྲུག་བསྟན་སྲུང་དང་བླངས་དམག་གི་སྒྲིག་འཛུགས་ བོད་ནང་ཐོག་མར་ཇི་ལྟར་དབུ་བརྙེས་པ་དང༌། བཙན་བྱོལ་དུ་ཕེབས་རྗེས་ཀྱི་གསང་བའི་འཇབ་དམག་གིས་སྟོད་གློ་ཡུལ་བརྒྱུད་དགྲ་ རྒོལ་ནུས་ཤུགས་ཇི་ལྟར་བྱུང་ཡང་རྗེས་སུ་དམག་སྒར་འཐོར་ཞིག་སོང་བ། དམག་སྒར་ཉི་ཤུ་རྩ་གཉིས་ཀྱི་གནས་བབས། མཐར་མདོ་ཁམས་ཆུ་བཞི་སྒང་དྲུག་བསྟན་སྲུང་དང་བླངས་དམག་གི་སྒྲིག་འཛུགས་བདེ་ དོན་ལྷན་ཚོགས་ཀྱི་ངོ་བོ་བསྒྱུར་ཚུལ་བཅས་སྔོན་གླེང་སྔོན་དུ་བཏང་སྟེ་མུ་འཐུད་ དེ་འཆད་རྒྱུ་ཡིན། རྒྱ་བོད་གཉིས་ཚ་ཞང་དང་མཆོད་ཡོན་གྱི་མིང་ཁུར་ཏེ་ད་ལྟའི་གུང་ཁྲན་སྲིད་གཞུང་ལ་ མ་ཐུག་བར་ཆོས་སྲིད་ཟུང་འབྲེལ་ཁ་ལ་ཁྱེར་ཏེ་རང་རང་གི་ཉེ་འཁོར་དང༌། རང་གི་ཆོས་ལུགས། རྒྱ་དངུལ་དཀར་པོ། རྒྱ་ནག་གོས་ཆེན། རྒྱ་ནག་དཀར་ཡོལ་ལ་སོགས་པའི་རྒྱུ་ནོར་གྱི་ཁེ་ཕན་ཁོ་ན་མ་གཏོགས་བསམ་རྒྱུ་མེད་ པའི་དཔོན་ངན་དབང་ཤུགས་དང་ལྡན་པ་དེ་དག་གིས་བོད་རྒྱལ་ཁབ་ཚོང་རྫས་ལྟ་བུའི་ཐོག་ ནས་བོད་ཀྱི་ལོ་རྒྱུས་དང་སྤྱི་ཡི་ཁེ་ཕན་རླབས་ཆེ་ཆུང་ཙམ་ལས་མུ་འཐུད་དེ་ཚོང་ ཐབས་ཁོ་ནར་དམིགས་ཏེ་ཉམས་གུད་ཆེན་པོ་བཏང་བ་དང༌། དེ་རྗེས་གྲོས་མཐུན་དོན་ཚན་བཅུ་བདུན་བཞག་སྟེ་བོད་ཀྱི་ལོ་རྒྱུས་ཐོག་མ་འོངས་ པའི་མདུན་ལམ་བཟང་པོའི་སྒོ་ཆེན་ནམ་ཡང་ཕྱེ་རྒྱུར་དཀའ་ངལ་ཆེན་པོ་བཟོས་ཏེ་ད་ ལྟའི་བོད་གཞིས་བྱེས་ལྷ་མི་ཡོངས་ཀྱི་སེམས་ལ་ཚེར་མ་ཟུག་པ་ལྟ་བུའི་མི་བཟོད་ པའི་སྡུག་བསྔལ་དང༌། བུ་རབས་ཚ་རྒྱུད་ཚོར་སེམས་ངལ་རྒྱུན་མར་གནས་དགོས་བཟོས་པའི་སྡིག་ཉེས་ཚབས་ཆེ་ བསགས་མཁན་དེ་དག་ལ་སེམས་ན་བོད་མི་ཚོས་ཁོ་ཚོའི་གསོན་སྙིང་དྲོན་མོ་ཟོས་ཀྱང་ བཟོད་ཐབས་བྲལ་བའི་ལས་ངན་བསགས་ཡོད། རྒྱ་ནག་གུང་ཁྲན་གྱི་དམག་དཔུང་བོད་ནང་བཙན་འཛུལ་བྱས་ཏེ། ལོ་ངོ་སྟོང་ཕྲག་མང་པོའི་སྔོན་ནས་ཡོད་པའི་བོད་མིའི་ཁྲག་རྒྱུན་ལས་བྱུང་བའི་ སངས་རྒྱས་ཀྱི་བསྟན་པ་དང། ཐུན་མོང་མ་ཡིན་པའི་རིག་གཞུང༌། གོམས་གཤིས་དང་བཅས་པ་རྩ་བརླགས་ཤུལ་མེད་བཟོ་ཐབས། བོད་མིའི་འདི་ཕྱིའི་རེ་ས་སྐྱབས་གནས་བླ་སྤྲུལ་དགེ་འདུན་གྱི་སྡེ་རྣམས་དང༌། མི་རབས་ནས་མི་རབས་ངལ་བ་ཆེན་པོས་བསགས་པའི་རྒྱུ་ནོར་ལོངས་སྤྱོད་ཕལ་ཆེར་དགེ་ ཕྱོགས་སུ་དམིགས་ཏེ་བཞེངས་བསྐྲུན་གནང་བ་གྲངས་ལས་འདས་པའི་སྐུ་གསུང་ཐུགས་རྟེན་ གང་ན་ཅི་མཆིས།
- Client: Dhokham Chushi Gangdrug
- URL: www.dhokhamchushigangdrug.com
